شیوپوری،02 /دسمبر(آئی این ایس انڈیا)مدھیہ پردیش کے شیوپوری ضلع میں ایک دلت خاندان ایس پی آفس کے سامنے دھرنے پر بیٹھا ہے۔ سردی کے موسم میں خاندان کھلے آسمان کے نیچے رہ کر کھانا بنا کر کھا رہا ہے اور رات گزار رہا ہے۔ اس کا الزام لگایا ہے کہ حالیہ ضمنی انتخابات میں بی جے پی کو ووٹ نہ دینے کی وجہ سے انہیں کا تشدد کا نشانہ بنایا جارہا ہے۔

پوہلی کے گاؤں جھلواسا کے دلت خاندان کا الزام ہے کہ وزیر مملکت سریش دھاکڈ کے کہنے پر ان پر زیادتی کی جارہی ہے کیونکہ ان کے کنبہ نے ضمنی انتخاب میں انہیں ووٹ نہیں دیا تھا۔اہل خانہ کا الزام ہے کہ گاؤں میں رہنے والے دبنگ سوسائٹی کے کچھ لوگوں نے ان کے خلاف جھوٹی ایف آئی آر درج کروائی ہے، جس کی وجہ سے ان کا گاؤں میں رہنا مشکل ہوگیا ہے۔

3 نومبر کو ریاست کی 28 نشستوں پر ضمنی انتخاب کے لئے ووٹنگ ہوئی تھی، جس میں شیواپوری ضلع کی پوہری نشست بھی شامل ہے۔ حکمران بی جے پی نے 3 نومبر کو 28 اسمبلی نشستوں میں سے 19 پر کامیابی حاصل کی جبکہ اہم اپوزیشن پارٹی کانگریس کو صرف نو سیٹیں ملی ہیں۔ پوہری سیٹ سے سریش دھاکڈ بہوجن سماج پارٹی کے امیدوار کو شکست دے کر وہ اس نشست کو اپنے پاس رکھنے میں کامیاب رہے ہیں۔